EDITORIAL NOTE………

    “PRAY FOR ALL MEN TO GOD”

    (Mirakip ranga Pathian jiang lamperuh) “Vaihom pu ngai ranga, lamkei pu ngai ranga, nanlamchiak rang ani. Authority (chong tanna ranak) anei ngai rang-a nanlampechiak rang ani. Hangan nantho inko nanlung nanmantai rang

    hana adik nantho rang”.(1 Timothy 2:1-3 a anluithok chong lam ani) CHRISTA ANUK AJUI rakip ning LAMNA kannei rang ani. Pathian chubei kanbuk-a lamna kannei rang ani. LAMNA kannei lui hi siatna ani ti anga Bible-la kanmu ani.

    TUNLAI PHATAK-HIN Christian kani kanti keini ngai ning LAMNA tianga kanrat rang ani. Kan-inn sunga omchen-khanchen asuak ngai hi kanjet ver-ra ani. Kan-biakrup-a omchen, Biak-inn kankal jot lui, chong kanjui mak na ejetmo aom. Kho-sunga chongle-hla asuak ngai hi anga hingan hin aom tia kanri mak innum kanjet ver ani. Kansir kanpanga chongle-hla kankanlui thei mak na asip mar ani. Hile kanroia hiva chongsem apa mirakip chunga Pathian ning ravansatna phual anapek changrase.

    LEADER’S FAMILY LIFE SEMINAR (COUPLE CAMP)

    Aimol Baptist Association, Manipur, India on 18th – 19th May 2018 at Aimol Satu Baptist Church. Theme: Submit to one another. Ephesians 5:21. Resource Persons: 1. CB. Jayaraj 2. KJ. Chinta 3. SC. Kerry.

    Hiva Couple Camp (Sangram Camp) hi, Executive Council-ah kanmansat le kanroia, Mr. Asan Serto ning responsible aluia hiva Couple Camp hi Aimol Satu Baptist Church-ah ahui tak ah kanlui tho jui. Resource Persons, ngai jiang anphut Pathian chong le hla ahui tak-a anna manchu, an- nari pe, Hiva Couple Camp (Sangram Camp) hi Couple 18 kanchunna kanluinei. Hiva Camp hi Aimol Satu Baptist Church ngai ning host annachangpe. Pastor chunga, Church staff ngai kanningsatna kanphuang. Biakrup chunga Pathian ravansatna phual apek changrase. Hiva anga Couple Camp hi veikhat’um kanthotor ret narang Pathian jiang lamna neirei. Biakrup ngai ning’um Couple Camp hi thothei naranga sin navarperu.

    AIMOL BAPTIST CHURCH GUWAHATI VBS

    Keini Aimol Baptist Church Guwahati (ABCG) ahui tak ah Children Vacation Bible School (VBS) kantho. Apha 7th – 8th July 2018. Number of Children: 30. Trainer ngai hi Miss. K. Hoikimnei Kom, M. Div, Miss. Lunglai Rachel Aimol, Miss. Ln. Anuta Aimol, Youth Vice President le Mr. Kho. Rangamlian Aimol, Pastor (ABCG).

     

     Kho. Rangamlian, Pastor ABCG

    EVANGELIST CHUAN THO RUH

    (Do the work of Evangelist)

    “EVANGELIST” hi e tinamo najetmo? Kanjet tia nasang thei. Achang inko, hong hri ta roh tia annadingkel pha ejamo nahri manthiang pe rang? HINGAN HIN NARI PETHEI. Hava hako: Evangelist tihi Pathian chong ha mi ngai jiang achoia ahong-hri. Hava chong achoipa ha “Evangelist” anti tia abei chek-a hri rih.

     TUNNA KENI NGAI EVANGELIST chuan kantho hi 0, Evangelist (Zero Evangelist) antia ani. Zero Evangelist, hi ejaramo hangan anti. Keini rang jak-a kan-e tho Evangelist chuan ha antina ani.

    EVANGELIST – I (Evangelist – Ankhatna) anti ret hin kankho rang kanta rang jak kantho ha antina ani.

    EVANGELIST – II (Evangelist – Annina) hi kansir kapanga kanhong tho ha antina ani.

    EVANGELIST – III (Evangelist – Anthumna) hi keini rang jak niluia kankho kanvenna rang om ngaidonluia hmuntinna, ramtina jat-le phung ngai khuisen luia Gospel Chong, Chong asat hi Pathian sanhringna hi hongchea hongmanchu rang hi antina ani. ABA BIAKRUP sunga aom Biakrup ejet ningmo Missionary/Evangelist support kantho, keini ning kanjet ver. Vaenni tunga Missionary/Evangelist support alatho lui jum kanlaom. Pathian chuansin ranga kanthuisot marei, thouna asat tak ah Pathian ranga nang kei ning ngaidon rei. Amang rang thawai akhella khomnarang ngaidonrei. Evangelist chuan ranak tak-a thonarang kanringlai, kandamlai ngaidon rei.

    KANCHAAINA (KANLAALNA) KANJETRANG ASUAK

    By: S. Sangkai Aimol

    Simlei chung nga miring keini hi kanring kaarje  kanchuantho, kanchong-ri, kannun channa kandikpet, kanchaaina/kanlaalna omchil mak tihiko tunnom titorlui ani. Hanna Saapchong nga John Powell ning ariah; “The only real mistake is one from which we learn nothing”, tinako keinin

    kanchaaina(kanlaalna) Kankan jettor luihan khella kan laalna ani. Hivahi adik chong ani. Chongthiang Rabua Matt. 7:1-14, Nang namit-a achok omha manthiang bak-luija, na-uh na-naai mit a achok omha ijamo nichenperang? Hivahi adik chong ani, kei katak chung nga kamasialla kalui chaaina aluiom aninko, mi ngai chaaina/anlaalna ruiha kari masiad karra, keiha mi-ning khella nanuisow ajowt. Hale keinin kanlaalna, kanmasialna kantheini bak-a asat Kankan rolla chong kanri mi kan kowk aninko, havaha khella kanlaalna ani. Kanringkhuo achesa phaat-a kalui thosial, asatlui imo a-om tiha tokrang, (evaluate) thorang angai. Mapaalla/akandova mining najet ma uh tia keining kakan ngaidon  ha Pathian ningko anamupet ani. Mi-khat lung towkna, lungnatna kaluitho a-ommo tiha jet khet rang ani. Chongthiang Rabua Puma Jesu-ning atia: Nangin Pathian Maichamma Phur napehk luut (nakat) madet keer inlang na-uh na-naai ngaile nanlung kanhuilui ha maan vakan be-taai bak ro. Hiva chonghi ani keini ning athuuk-a kan ngaidon ranghi. Keining mi ankhat lungnatna, lungtowkna kanthoha alung mandam pebakrang angai mo tia ngaidon rang asuak. Mi-ankhatning mi ankhatjiang kamasialjui, kalaaljui kanvati karra ngaidam torlui tuom luiom rang nga ringmaking. Khat le khat hi kan ngaidamru tihiom Pathian Chongpehk aliantak ani. Hiva ngaihi kanjuitor aninko keinin Pathian phualsat ha masialluija mukanti tia ngaidon ajowt. “No one can fulfill of their wish without the Blessing of God”. Pathian phual kanchelluija tuning’om thotorna ranak neimasing anti ang-nga keinin kanchaaina/kanlaalna a-om achang karra kankan be-taai ja Kankan ngaidamrang angai ani. Ha animak-a adik, alaallui kanpua bak-a chuan kantho. Chong kanlari thengpet aninko phualsatlui ha kantum vachang thei ajowt, havahan  keinin Pathian ha nontaak kanva pehkjowt, mi akhuithiar tia. Uh-le nai ngai kantak chung-nga Pathian Phualsat muna thorei, ravansat changrei, torkhanna kanringkhuahi chumnam (dark) man ommak narang kereprei ankhat’om chumnam omlui ringkhuo manchangrei.

     THE 2ND CHILDREN SUNDAY SCHOOL TEACHER’S TRAINING AIMOL BAPTIST ASSOCIATION

    On 1– 2, June, 2018 at Aimol Khunjai Baptist Church, ABA. Theme: “And whoever wel-comes a little child like this in my name welcomes me” Math 18:5.

    Resource Person: Mrs. Indrani Chinir, Principal Vista KinderCare.

    Hiva Children Sunday School Teachers’ Training (CSSTT) hin ABA sunga aom Primary Teacher hi anrenga hong mak-u. Biakrup 9 (nine) Primary Teachers ngai ning Participate anhongtho. Participate anhongtho Church ngai: Ngairong, Chingnunghut, Kumbirei, Khunjai, Kharam Thadoi, Khodamphai, Aimol Khullen, Satu hale Kha Aimol.  Hiva Training sunga Resource Person nu jiang anphut ejamo kanthole Naipang ngai hi Spiritual, Thawai lamtianga kanman kansown na kanmanchu, kanripe rang tia Pathian chong ahui ta-tak anamanchupe. Hiva training hi Primary Teacher ngai ranga atam tak anemna aom tihi kanmua Pathian Kamanpak. Pathian chong jak niluia, LA (song) action song’um ahui ta-tak-a kanchuna kannei. Hiva training-a ahong kanchel lui Primary Teacher ngaiko ravansiat ke tia kalui. Hale hiva training sunga (Second day) nini changna nikhua hin ABA sunga aom Pastor rakip’um kankuia, Pastor ngai annahongpe. Pastor ngai jiang’um ejamo kanthole Sunday School Naipang ngai hi kanman kansown rang (develop), kanmanlean rang tia Resource Person Nu ning challenge anathope. Ahong Pastor rakip ning’um Naipang ngai ranga asatna verpe kanti tia alut tak-a respond annapek pe. Hiva ranga FUND num akhella siakanti anti. Hiva Children Sunday School Teacher’s Training hi two days (2) jak hiko abongrei, atomrei, ajot inko (5) days, niranga hi thorei tia Pastor rakip ning’um mansat nale kanjotna kannei. Abanna Sunday School Teachers Training hi ringle dam tak ah, ahuia kanthotor narang Pathian ning naroi chak rase. Hiva CSSTT hi Aimol Khunjai Baptist Church ning host annathope anni. Pastor pa chunga ABA staff ning kaning satna kanphuang, Pathian ning an-biakrup chunga ravansatna phual apek changrase. Nangkum 2019 na ahui tak-a kantho tor ret narang lamna manrat rei.  

    FASTING WITH PRAYER

    Aimol Baptist Association, on 9th June 2018

    at ABA Head Office, Ngairong.

    Theme: “If My people who are called by My name will humble themselves, and pray and seek My face, and turn from their wicked ways, then I will hear from heaven, and will forgive their sin and heal their land. 2 Chronicles 7:14. Hiva Bu-ngei le kanroia lamna nikhua hin ABA sunga aom Biakrup lamkei le ABA lamkei miring 60 (sixty) dor hi kanchunna kanluinei. Speaker miring 6 (six) ning Pathian chong annahripe. Ahong kanchun mipui ning ningsat ningsat-ah Pathian manpak na la kanthoa ahuitak-a lamna kanluinei. Hiva anga FASTING WITH PRAYER hi atam asat ABA lamkei ngai ning veikhat nuk-am hongver ret ruh tia mathokna annahripe. Hiva lamna programme hi ahongrang September 8th 2018 ning hin Aimol Tampak Baptist Church-ah veikhat omret nati. Hiva ranga mipui kanchel naranga prepared (thourang) thorei. Fasting with Prayer-a ahong kanchel mirakip chunga Pathian ning phual napek rase.

    Theme: “Let Widows trust in me” (Jeremiah 49:11)

    Speakers: Dr. Amun Leivon, Director CCC

                    Mrs. Akip Leivon, Co-ordinator CCC

                    Mrs. Indrani Chinir, Founder of Children Home.

    Pathian lungsiat jarra hiva veimanli (4) changna Widows Camp (Meithai Camp) hi Mrs. Achong, Women Secretary, ABA lamkei na noia ahuitak-ah thotor na anlui nei jarra Pathian manpak ah omchak rase. ABA sunga aom Meithai anrenga anhong tor mak aninum, meithai aviar anhonga hiva camp sung hin Speaker ngai jiang anphut Pathian chong ahui ta-tak annahong choipe hale Meithai ngai mathokna chongle-la atam tak annaripe. Ahong kanchun Meithai ngai rakip chung’am Pathian ning ravansat na phual apek rangke tia tak-ngaina kanei. Hiva Camp sunga Sunday ning hin ABA sunga aom Pastor rakip’um anhonga (love-feast) Bu-kheng bansuamna anluinei. Hiva Meithai Camp hi Unapal Baptist Church, Pastor lamkei na thuia member rakip ning tor khan-na ahui tak-a Camp ma ahong Meithei rakip sepa annathope. Hiva jarra Biakrup mipui chunga manpakna kannanei nan biakrup chunga Pathian ning ravansatna phual anapek changrase. Next aban Meithai Camp 2019 hin num damtak-a ahuia veikhat kantho tor ret naranga Pathian lamna neirei.

    O.T. BIBLE (RABU-ALUI)

    Kanchonga Pathian Chongthiang “RABUTHAR” arapa anijarra akan suksial, masialna aviar aom anin-nom atelko kanteljui, Pathian manpak rei. Atuun RABU-ALUI (Old Testament) hiom kanchong nga tel retnarang sin kanvarra ajam atok kanphut jui. Hivahi Ruphai Lahk Somni-Somthum aluut rang hi Christa ama jowtpe nale alungsiatna a-om aninko sumle-sial atam tingluija telnarang chuan kanver ani. Uh-le nai aluteer rakip, mipui rakip ning Pathian lam/chubei buk raatrei. Bible malepu ngairang, ABA aluteer ngai, BTC ngai hale anasan rang Society, Indian Collaboration Steering Committee ngai rang alampe raatrei tia chubei kanna vatho ani.

    Nanchuansin Ngai: BTC/ABA. 

     UNAPAL BAPTIST CHURCH (Church Staff Ngai)

    1. Pastor (Chongom Thangkhuplian)
    2. Church Secretary (Cp. Aneil)
    3. Deacon (R. Sumneisiak)
    4. Rise Vegetable Treasure (Cp. Remeikip)
    5. Church Chowkidar (Cp. Shimila & Cp. Wanoikham)
    6. Mic/Sound Operator (Ch. Areng)
    7. Youth President (Cp. Lungir)
    8. Y/Secy. (Cp. Relsida)
    9. Y/Treasure (Cp. Anjaly)
    10. Women Chairperson (Ch. Ringneichim)
    11. W/Secy. (Ch. Aimolchim)
    12. W/Treasure (Ln. Rila)
    13. Primary Teacher (Ch. Hatneikim)
    14. Assembly Speaker (L. Chongom)
    15. Assembly Recording Secy. (Damrengthang)
    16. Church Auditor (Sh. Khupneisong & Ln. Loveson)
    17. X-Mass Chairman (Ch. Wanoi)
    18. X-Mass Secy. (Ch. Prakash)
    19. X-Mass Treasure (P. Ngampa)

    Pastor Unapal Baptist Church

    Fellowship can most specially expressed through the “one anothers” (ankhat le ankhat) “one anothers in the New Testament.

    We are to……….be devoted to one another – keini ankhat le ankhat kanlamderang ani., to be of the same mind toward one another; keini khat le khat lungkhat-a kan-om rang ani; to love one another – khat le khat lungkansiat ru, to build up one another; khat le khat kansinpui suamru; to accept one another; khat le khat kanjot ruh; to greet one another – khat le khat chubei kanpek ruh., to serve one another – khat le khat chuan thosuamru., to show tolerance toward one another; khat le khat nanpong khodengtheina ha kandoperu; to be kind to one another – khat le khat lungkantai ruh., to regard one another as more important then yourselve; natak nathei jak-a maruoi kani tia nangaidon nek-a khat le khat chit jak kannei ruh; not lie to one another – khat le khat leisei kanri maru., to teach and admonish one another; nangni khat le khat mankanchu kanripe ruh; to forgive one another – khat le khat kan-ngaidam ruh., to comfort one another – khat le khat lungamna kanpek ruh., to encourage one another; khat le khat kanmathok ruh; to be hospitable to one another – khat le khat kanphamthei ruh., to be humble toward one another; khat le khat lungnem ma omruh.

     QUALIFICATIONS OF THE PASTOR

    (Pastor ning anei rang rahoi asuak jetna ngai)

    1. “Amaral Aomlui”: (1Tim 3:2). ‘Blameless’:

    “Amaral Aomlui”, hi mingchat asiat tinam anithei.

    “Amaral Aomlui” tihi siatna anei lailui asatnan pui atuk jui tina nimak. Tak-ha mi ngai ning ama chung change asiat tak-a anri mak tina ani. Pastor ha mi ngai ning tak angai mak inko animak le aming asiat inko aman achuan thona ha omlai noning. Hava jarra Pastor hiko mi ngai ning anri siat lui hana mingchat siat lui hringkhoa aomrang ani.

    1. “Alung Akanchurtor”: (1 Tim. 3:2). “Be sober”:

    “Alung Akanchurtor” tiko alunga ahip adia aom, alung ngaidonna veini tunga aneitor tina ani. Pastor-in alung kanchurtor luia, ngaidon theina neiluia ahmu-hmule alung athak len, ajet-ajetle arisuak len, akantong puile atholen achang inko Biakrup-a asat suak mak ajot. Hava jarra Pathian lamna le kanroia Pastor-in alung akankhap-a ngaidonna anei rang hi alut tak ani.

    1. “Omchen Asat”: (1 Peter 2:12; Thess. 2:10).

    “Omchen Asat” hi Pathian tianga asat anthona ara ani. Pastor omchan hi Biakrup mi rakip ning an-enna anom ani. Hava jarra Pator ning chong ri-la ria, achak-anek-a, chuan athona hana erakip-a anching anthei rang ani. Akandai mi ngainek-a aenpu ngai ning asat nianga anmu tia anhri anga Pastor ning church member ngai amu nek-a member ngai ning Pastor ha asat det-a anmu ani. Ajarko Biakrup-a Pastor ha akandai mi ha ani, hana member ngai han aenpu mingai anni.

    Pastor ning ahringkho ha ama member ngai rang jak-a nimak. Tak-ha Christian alachang mak ngai rang’um ani. Ajarko Christian alachang mak ngai’um ama omchen ha anhmua Christa jiang honglut ajot tia       (1 Peter 2:12) a kanhmu.

    1. Kholmi Pham Thei : (Titus 1:8). “Hospitality”:

    Puma Jesu adeina nukjuia Christian ngai ning kholmi pham thei rang ningsat tak-a don rang, chakle nek pek rang, tungna jalna asat nianga manjal rang ani. Hinga hin thoa Jesu lungsiatna omchen ha manchua lungsiat na omchen ha dorang ani. Hinga hin antho hi Chungvan tirle ngai kandonna sepa kantho anga ani tia (Hebrew 13:2) a kanhmu ani. Abraham innum Chungvan tirle ngai ha kholmi ngai ke tia angaidonna asat nianga adon-na aluipham ma lungsiat alei-manhmu pha Pathian phual amu tia (Genesis 18:1-8) a kanhmu. Abraham-a anphuat omchen ha luia Pastor ning mapal tianga ahong mi ngai rang jek ngaidonluia

    atakngai ngai ham pek-a manchak man-inrang hi thei rang ani tia (Galatia 6:10) hale (John 21:17) a kanhmu.

    1. “Mi-le Kansual- Kanse chil lui” :

    (Matthew 5:39;25:52). Pastor ning mile akansual hi Pathian rengram liansot narang lam akhar ani. Ajarko  Pastor ning ahmurra ankhat ahri, chuanna adang khat atho inko achuan thoha ara omnoning. Ramual chung  ram nimak ti jet-a Pastor ning Pathian sepa athorang ani. Belram aselpa ning belram ngai madon asat-a ache anga aman num mi ngai lam akei rang ani. Atak khet ning omchen luithei amanhmu rang ani. Abelram ngai aming ajui rang nimak-a, ama anuk anjui rang ani.

    1. “Abinga Akanchur tor rang ani” : (Titus 1:8)

    Kei ning mi ngai jiang chong kari manthang pha kei kataksa khet ning jot pena kanei lui mi hongchang thei rang kani tia kei ning kataksa hi kakan nok-a kacham kamanjui tia (1 Corinthians 9:27) a kanhmu. Paul chong hiko ataksa akanchur chong ani.

    1. “Omchen Luithei Chang Rang”. (1 Timothy 4:12)

    “Omchen luitheia om” tihi mihring ngaidonna hanna deina ngai ha mel manhmuna tho ha antina ani. Hiva hi asatna lam tiang’am ani thei, hana asat mak lam tiang’am tithei ani.

    • Asatna lam tiang enrih: Mihring-in ahong kanjir a anphut

    athi tunga ache narang kholmi hana aom rang omchen ha Puma Jesu ning omchen luitheina ranga (1 Peter 2:21) a anaripe.

    • Asat makna lam tiang enret rih: Sodom Gomorra hi keini

    ranga omchen luithei na ankhat-a man-enna ani tia (Jude 1:7) a kanhmu. Hana Israel nai ngai lima sat mak lam tiang kaen pha keini ranga omchen ha jetna rang ankhat ani tia (1 Corinthians 10:6,11) a kanhmu. Hava jarra Pastor ning erakip-a asat omchenna hringkhoa omrang ani; mi ngai ning ama anphut omchen luitheina anneina ranga aom rang ani.

    MISSION AND EVANGELISM DEPARTMENT NINGSAT CHONGPHOUNG LE MANJETNA:

    Amasat ah Mission and Evangelism Department ranga prathana le sumsialla mathokna ahongnei churches le inbing (family) nanreng chunga Christa Pathian minga salam pekna kanei. Nanchunga pathian lungsiat naha among tibui omrase. ABA Mission and Evangelism Department ensuamrei:

     

    (Shongthu Minthangring

    Mission Secretary, ABA).

    MISSIONARIES AND EVANGELISTS:

    Ch. Lele, Ln. Sopa, Rev. L Kingdom, Rev. S Simon, Rev. Kh Chingnungsan, Rev. L Tongneijir, B. Ruineichung, Ld. Saupu, Miss Meinina, Miss Esthar, Miss Khampui, Mr.Roshan

    INBINGA MISSION RANGA THA RACHAM AHONGPEK NGAI:

    1). Ch. Thangkhua Aimol Khullen Baptist Church – Rs. 6000, 2). S. Amun Aimol  Satu Baptist Church – Rs. 2000, 3). S. Semilan Aimol Khodamphai Baptist Church – Rs. 1000, 4). Lt. Pungkholian Aimol Ngairong Baptist Church – Rs. 1000, 5). Ln. Warthanglian Aimol Ngairong Baptist Church – Rs. 500, 6).Ch. Momo  Aimol Unapal Baptist Church – Rs. 500,  7). Ch. Wanoi Aimol Unapal Baptist Church – Rs. 500, 8). Ch. Johny Aimol Unapal Baptist Church – Rs. 500, 9). S. Emmanuel Aimol Satu Baptist Church – Rs. 500, 10). Ch. Akiboy Aimol Tampak Baptist Church – Rs. 500.

    INBINGA MISSION BOX ANASIAK PE NGAI:

    Sl. Anand ABCCI, Dr. S Khupkhothang ABCCI, S. Amun ABCCI, B. Premi  ABCCI, Ch. Damrengthang ABCCI, Kh. Wanoilal ABCCI, Ch. Suaneilal ABCCI, Sl. Sangkaithang ABCCI, Dr. Semilan ABCCI, Lt. Walunglal ABCCI, S. Simon Kharam, S. Ringdamnei Unapal, Ch. Thoibi Unapal, Lt. Wanoichim Unapal, Cp. Kakipte Unapal, L. Chongom Unapal, Ln. Popular Unapal,  S. Motolei Satu, S. Khupkholal  Satu, Ch. Rangsuakhup Satu, Sansan Serto Satu,  Kh. Khuppa Kumbirei, Ch. Khamning Kumbirei, S. Alianlal Khunjai, S. Kippi Tampak, Ch. Asan Tampak, Kh. Ringnu Khodamphai,  Rev. Lt. Ruitorkhup Aimol Khullen, Ln.Riamchongreng  Ngairong, S. Lianboi Ngairong, Kh. Rengsuachim Ngairong.

    MISSION SUPPORTS THA RACHAM AHONGPEK CHURCH NGAI:

    1. Aimol khullen – Rs. 12000 le Mission Box, 2. Aimol Ngairong – Rs. 1000 le Mission Box, 3. Aimol Khodamphai – Rs.7000 le Mission Box, 4. Aimol Tampak – Rs. 5000 le Mission Box, 5. Aimol Khunjai – Rs. 1000 le Mission Box, 6. Aimol Chingnunghut – Rs. 8000 le Mission Box, 7. Aimol Kumbirei – Rs. 1000 le Mission Box, 8. Aimol Satu – Rs. 6000 le Mission Box, 9. Unapal – Rs. 1000 le Mission Box, 10. Kha-Aimol – Rs. 1000 le Mission Box, 11. Louchulbung – Mission Box, 12. Kharam Thadoi – Mission Box.

    MATHOK NA CHONG AVIAR:

     Christa ko missionary ngai pathianke, amaning mission hi ahongphut. Tukhat ningom ama-ang nga thotor ma uh tak ha veniko nangkei anakui. Kei kasat jui nimak le Christa hi apongjui tia enakui nimak, amaning keini lungsiat jarra enakuike. Ama lungsiat jarra erakip atorver, hajarra keini ama aming manpak ri. Ama mission chuan na eduk ah chit le jak om ringkhua nangkei kanni. Mirakip kantorna han mission chuan kanthotor, mi aviarning missionaries ranga prathana (prayer) antho, aviarning atak ache tormak nom peisa wa anmanche, kanrenga aviar aviar kanthotor ver. Hajara, keini ABA mission chuan hinnom miring ejat ningmo kanpamuluija pathian rengram rang le ABA mission lianthei naranga nanhongpek. Nangni prayers, moral support hale monetary help ah kan ABA Mission hi progress ahongni. Pathian kamanpak ajarko naringkhua anamanhuipe, anamandam, hale phual anapek ah ABA mission ranga nakancheltor. Kei kangaidon(hope) le prayer ko nangning atun mission chuan nitho hi akhella thode jot ringkhua hongni nati. Jesu hongkir rang (second coming) hi atam kanjek kanjet tak-ha miring ejat (millions of people) ningko aphutna pathian ha kantheini. Lising ejatning voncham ma an om, ariang ngai akhella anriang  hale aneining akhella annei, ramual hi inequalities le injustice ning asip. Atun mission chuan kantho hi lungthiang le kanpeksot rang angai, hale theiniluirang khatko kanringkhua hi amajiang aommak tennako kanriangkhua hi anemna bui anijui.

    Pathian lungsiatna le phualha nangjianga hongom thengpet nirase hakara nangningom ariang apong hale missionary ngaiha hongsantor akhella hongniro. Va-eni nitho hi turangom nimak pathian rengram rangke. Ejara nithotor? Ajarko nang pathian nalungsiat. I pray that God will bless you richly for all your sacrifices and contributions. What you do is all for Him and you do because you love Him. God bless!

    Successful Students of Classes X, XII (BOSEM, COHSEM, CBSC, A.H.S.E.C.) of the Aimol Baptist Association, Manipur – 2018.

    CHUANMU NGAI:

    1. Khoichung Rengneiwar Aimol S/o. Mr. Kh. Jiameikhup Aimol, A/Khullen B/C.
    2. Siarlua Joshua Aimol S/o. Mr. S. Rengsinsua Aimol, A/Khodamphai B/C.

    Anmani anni (2) hi Medical Officer (M.O) ah chuan hi anhongmu. Manipur Public Service Commission (MPSC) nuia ani. Nuk-a anhring kho-a Pathian ning kanroipui rase.

    1. B. Sailo Aimol S/o. B. Thangsholua, A/Khullen B/C, Amahi Child Protection Officer Welfare Dept. of Arunachal Pradesh.
    2. Ruitinchoi Aimol D/o. S. Rengsinsua Aimol, A/Khodamphai B/C, Amahi Vetenary Field Asst, VFA In-charge, Aimol Tampak.
    3. S. Rosemary, Staff Nurse (JINMS) D/o. Mr. S. Ruisolal, A/Khodamphai B/C.
    4. S. Tharminlian Aimol (Police Dept) S/o. (L). Mr. S. Renghongir, A/Khodamphai B/C.
    5. Lt. Livingson Aimol (Manipur Police) S/o. Lt. Ruineijir, A/Ngairong B/C.
    6. Varthanglian Aimol (Manipur Police) S/o. Ln. Reamchongreng, A/Ngairong B/C.
    7. Sanjit Aimol (Manipur Police) S/o. N. Thoiba, A/Ngairong B/C.
    8. Thangminlian Aimol (Manipur Police) S/o. Lt. Ruineimun, A/Ngairong B/C.

    Tu angkhat ning Chongsem hi Online na nan pajot le ko www.aimol.org wa pajot nati. Tu angkhat ning Chongsem ma article ahap jot nan om inko hiva Contact hin Chong nahongpek jotnati  # +918258895042 ( Asst. Editor), #  +917005132466 (Editor) [ Asoina, alanna, adik makna, nanlungdo tunglui alui om’nom Christa minga nangaidam ruh………]

    Chongsem VII/45 | May to August 2018
    Editor: Rev. Semi Serto | Asst. Editor: M. Amos Aimol

    Copyright 2018 © ABA
    Head Office: Ngairong Centre, Tengnoupal District, Manipur

     

     

     

     

     

     

     

     

     

     

     

     

     

     

     

    Main Menu