joomla templates top joomla templates template joomla

Sunday & Sabbath - Lanu Elisha, Editor


SABBATH: Genesis Bible la kanen karra, Pathian nin aphutna nikhu-a Var asin, hale Suun le jaan akhui sen. Nini changna-va Tui le Tui akhui senna Chungvan (Sky) aluisin. Nithum changnawa Tui le taang akhuisen, Siatlei-ya ann le na theikung, thingkung aluisin. Nimanli changna va Simni, Sortha, Aarshi, Kum le Tha asin. Niranga changnava Vapia, Vahai, Nga, hale ... (Jiba), aluisin.

Hiva Sabbath hi atunna keini Sunday hi nimak Saturday ke.

Hiva Sabbath hi atunna keini Sunday hi nimak Saturday ke. Hale ni karuk changna va Ramsha, Innsha Angkhat om Miriam alui sinna hi ngahin adon donna ni karuk hin irakip ahong sin sua le nishari changna hin Pong akansak. Hiva nikhua hi athiang nikhopui ke Sabbath nikhua tia bible ning aluiri-a kanmu (Gen. 2: 1-3; Exo. 16: 22- 23) Hiva Sabbath hi atunna keini Sunday hi nimak Saturday ke. Ajara ko (Mark 16: 1-2; Luke 23:54; Luke 24: 1) Matt 28:1. (Easter Sunday ni) Mi avier in Sunday hi Genesis - a Sabbath Pongkansak nikhua le akan ang tia ngaidon na kannei, Tak-ha hiva hi athiang nga akan khel. Hiva Sabbath hiko Saturday ah ani, Sunday ko Puma athi-a anphut athui khiir nikhua ha ani. Keinining Bible la athianga kan mu. Keini rang nga ko Sunday hi alut tak ani ajara ko. (to be continue on next Issue).

Note: Chit le jak a-om Rev. Pastor, Evangelist, Pu le Pi, Nu le Pa U le nai jiang riman thiangna.  Hiva Chongsem hin Editor kahong changphutle aphut na kahongmasua achang jarra, jiaktunglui, jiak khel, ejiat mo a omthei, atahsamna rakip ripe, machu, suggestion hi tal chillui-a natho ru.

31st Executive Council Meeting - Aimol Baptist Association
Ngairong April 28th 2017 Vei somthum le angkhat changna Aimol Baptist Association Executive Council meeting 28th April la kansin thar Garage munna thona kanluineijui. Pu. President S. Neilungsan ning Adoption of Agenda ankhat om Roll Call kuina aluineija Pu. Rev. Semi serto Executive Secretary ning meeting phut theina ranga Devotion analuinei pe-a ahuiya kanluiphut, hale ahuiya kanlui torjui.

MBCWD Quadrennial Conference
PHAHUA: Oct. 20th to 23rd 2017 a-om. Uniform hi keini Jaat puan na ani:
1. Muikhamjal Puan na
2. Senchial Saipuikhup
3. Khamtaang Saipuikhup ah ani.
The First Triennial Conference 2018 Kha- Aimol Baptist Church-a anijui 1st week of February 2018 va ani.

Youth Triennial Conference (MBC)
hi Kaapam MYNBA a om, Phahuam : 10th - 13th November 2017

Good Friday Uut - Aimol Khullen Kh. Khotinkhup Pastor Aimol Khullen Baptist Church, ABA

April Kumin 2017 Kumhin Aimol Khullen Baptist Church ning veisowm malli leikariat changna (48th) Good Friday le Easter Sunday Uut hi ahuiya manchimna kanhong neitor jarra anasinpu Pathian ha choiloamna kahong nei. Kumin Good Friday le Easter Sunday Uut hin Kan Aimol Chong nga neiman jowt kannei mantor nahi Uut lamkaihpu ngaining anna hong kaihsuapewa Aimol Khullen Baptist Church Uut lamkaihpu ngai chung nga kaneeng sat nale manpaakna kahong nei. Kumin 2017 Good Friday le Easter Sunday Uut suung hinna chuanlam ngai avier enrei.

Phaahuam :13th – 16th April 2017
Amun :Aimol Khullen
Sier Inn Chongpui: “Jisu Khrista kanpekh sowrtna.”
Rochipu:
1. B. Rengsuajir Arapa Deacon luteer
2. Ch. Thangkholian Arapa Behlramsel
3. Sl. Khotinlian BD
4. Kh. Khotinkhup Akhua Behlramsel
Uutlamkaih ngai:
1. Sl. Ruitorwar Sier ulian
2. Kh. Songeiphun Sier naipang
3. S. Ruitorngir Sunman chimpu
4. Kh. Rangkhupsua Sunmanchim jowmpu
5. Ln. Kalianril Sumpu
6. Ch. Saichonglal Chiamdai warpu

Good Friday le Easter Sunday Uut hi ahipriamma akui akiak omchil luiya kanman cheen tor jarra veikhat ana sinpu kanpuma Jisu manpaakna kahong nei. Hile kanruaiya miring sowmleini takning Pathian jetle tak ngai jaarra Pu, Rev. Lt. Ruitorkhup Aimol Area Licentiate Pastor ABA ning tui manluut nale kaanna Uut kholai khaang suamna kan nei.

Tuiluut thar mingai hako:
1. Ch. Khupneireng Aimol Ch. Sote Aimol anai
2. Ch. Chongomlal Ch. Ringneilal Aimol anai
3. S. Bumjalian S. Wanuailian Aimol anai
4. Kh. Rangkhupchung Kh. Rangkhupsua anai
5. Sl. Darengngam Sl. Darenglua anai
6. S. Khosirlal S. Rangsumchung anai
7. Sk. Parbati devi Sk. Khupjalal anai
8. Kh. Lalneikip Kh. Rangeilal Aimol anai
9. Sl. Walungring Sl. Siakneilian anai
10. Ch. Chongnemhui Ch. Rangkhuplian Aimol anai
11. Ln. Liansuangak Ln. Rilneithang Aimol anai
12. Lt. Elvina Lt. Walunglal Aimol anai

Kumin kum 2017 Good Friday le Easter Sunday Uut suung hinna rup rup ah larisiat kanthowa Taitaak rup ning ankhat changna chung chuanna annei hale Shakram rup ning anni changna anni. Anchung chuan najaarhanmanpaakna kannei.

Manpaakna
1. Pu. Kh. Rengkhupsiak Aimol Addl SP. MPR hi nimal 24th March 2017 nihan MBC Church ah Deacon anleibejui. Pathian ning phualsat pekh rase. Akhella Pathian chuan hongsinrase u.

2. Pu. Sl. Khotinlian Aimol Pu Sl. Darenglua Aimol le Pi Sl. Chuaineikham annai ning Sirampur Bible College wa BD final ahong torra kankhosuung nga akui akiak bui chilluiya ahong tungtor jarra Pa-Pathian ha ashang tak ah kanmanpaak. An insuung khuurra munle pha rakip ah Pathian ning kanruai pui chak rase hale ama atak chung nga atho narakip ah Pathian ning ruai chak rase. 

Pathian Chuansin - Sh. Neilungsan | Assembly President

 

Pathian chuansin tipahi Pulpit ‘a’ ngirbak ‘a’ Pathian ruchi rijak han Pathian chuansin changmak. Ajarko hivahiko Pathian aruchi kanrike. Pathian chuansin tipahi athak atam. Miriam keiningai hi Pathian luipuk angkhat kanni. Hawa jarra Pathian chuan sinrei kanti inko arapatak, mijiang nunchan sat dorang angai, michang sinluirang angai, ramual taksa lungdo ‘a’ man-kan khit luirang angai, mingai chuan (Sepa) thorang tianga maton rolrang angai, milungsiat jetrang angai, chongsia lemtheirang angai, akan endangai kongkarra mankanjotnarang alam varpe hi Pathian chuansin alian tak ani.

Pathian chuansin tipahi Pulpit ‘a’ ngirbak ‘a’ Pathian ruchi rijak han Pathian chuansin changmak.

Ajarko chungwanna aom Kanpa anai changnarang nga nangni ana enda ngaiha lungsiat ru, hale nangni naman mangrang atimingairang lamperu, Matt. 5: 44-45 Hava jarra takngai (Christian) rakipning ngaidonrang khat ko, keihi Pathian ning inathangsa Pathian suak-ha kani tihi jetrang asuak, ajarko “God does not do anything without men...” O.T. Genesis Context ‘a’ kan en inko Pathian ning ramual tuitang sa-nga erakip aluisin lai han hivarakip ensuiranga Miriam mom aluisinde.

Eden Garden aluisin, hiwarakip ensuiranga Adam/Eve luisin, Tinako “God does not do anything without men” Preacher, aming che tak Billy Graham ning hingahin aluiri “keihi Pathian ning ananeiman jarra nangnijiang Pathian chuan kisintor ke takha Pathian ning kei ananeiman mak inko, keitipahi anem nabui ha kani.” tia aluiri.

Ule naingai vennijom nang, kei Pathian rasaning analakui achuan sinranga.

Pathian ning tumo kachuan sinranga kitirrang hale tumo kineimanrang aluitiphat han Isaiah ning, “puma kei, nachuan sinkati, keinatiiro keichekati tia aluisang, han JEHOVA Pathian ning ati chero hale kamingaijiang hiva chonghi varipero tia chuan aluibe. Isaiah 6:8. Ule naingai vennijom nang, kei Pathian rasaning analakui achuan sinranga.

Pathian ning inakuinahi keinining kantak ngaimo? Pathian ning inakui hi kantak kansanring narang jak ‘a’ nima, tak-ah Pathian Chuan thorangle achuan sinranga-om ani.

Atun phat tak hin-nom ABA sunga amanrang thavaang ejiatmo kanla om!

Chuan hako Pathian amingai hale amanga om thawaingai khomchun naranga ani. Atun phat tak hin-nom ABA sunga amanrang thavaang ejiatmo kanla om! Pathian ning ABA sunga Pathian alungdo achuan sinrang nga analakui, nanlung thulnang hongtaru. Amen. 

Mithiya Numei Ratuk  -  Women Committee, ABA

1st Women Conference Date: 20-Feb-2017 laihan Numei ngai rang nga Work shop ankhat thona kanluinei. Mrs. Aning Women chairperson ABCCI ning lam ana keija Puanruija workshop khat ongna kannei Puankhong thei ngai jiang om mathok na chong alui ri, ankhat om tuan laija Pi le Pu ngai puan arm mom mang mak narang aluiri.

Numei rakip khat jak a kan rual theinarang nga Khamtang dumhi(black) thorei tia kankanjot

Mithi (Funerel) service kan chekar ra Numei puan vong ruija kanbiak na kan neija, Numei rakip khat jak a kan rual theinarang nga Khamtang dumhi (black) thorei tia kankanjot, apuan hako, atuipal omnati, akol anthum ning ninati, asir apang nga arm bengde jotnoning. Hale Puan bang lamhi (puansi) puandum sikali anti puansi ha thorei tia kanjotna kankanne.

Pathian chuan tianga Chungsuakna


Pastor ngaijiang tenna kahong jet le kanruai-a: May 2017 Pathian chuan tianga Chungsuakna
1. Chongom Rengkhupthang Aimol S/o (L) Ch. Mangthoi B.A. M. Div. 40 Days Cross Cultural Missionary training, Kingdom School, New Delhi.

2. Chongom Japha Aimol S/o Ch. Ngaite (Bishop in G.F.A.)

3. Sl. Khotinlian Aimol Pu Sl. Darenglua Aimol le Pi Sl. Chuaineikham annai ning Sirampur Bible College wa BD final ahong tor

Private Undertaking

1. Ms. Kh. Meriline D/o Kh. Pakneikhup (Staff Nurse, Borjhakur Hospital, Guwahati)

2. Ms. SL. Lalkhoring D/o SL. Siakneilian (Staff Nurse, Praticsa Hopital, Guwahati)

3. Miss. Kh. Chimboiya D/o Kh. Khotinchung ( Staff Nurse Naranggi, Assam)

 

 

Pathian Lungdo - S. Sangkai Aimol | Former Assembly President, ABA


Ramual chunga kanringkhuo suunga “LUNGDO” antihi kansenna jowtlui, kanring kaarje a-om ani. Aseente anphut alian tunga lungdo antihi a-ompet, hava nuk juija chuan kanvar, kanring, hiva lungdo antihi kan ngai donna lungdo ha akansial kaara Pathian jiang nontaak kanpehk ani. kanlungdo atung kaarje Pathian kan manpaak. Hanna Pathian nontaak pehkmak narang chuan khat kanvar kaara, amasat-a lungdo hi asat-a ngaidon khetrang angai. Puma lungdo animo. Pathian nin imo anatirang tiha asat-a ngaidon khet-a lungdo neirang hi angai ani.

Pathian lungdo ha tokluija, keinining kandeijui, kanchingjui, kannei, kantorjui tia lungdo tung narang chuan kanvar kaara asatlui, ahuilui, khodeng theina avasuak cha-chak ani. Hivahin ani kansual kanse na lunghaang pongkhodeng theina atam asuak thei ani.

Pathian nin imo anatirang tiha asat-a ngaidon khet-a lungdo neirang hi angai ani. 

Organize suunga, rup khat suunga chuanvarpu achang ngain nom kanlungdo tia ngeerluirang, Pathian ama lungdo ha asat-a ngaidon rang hale chuan varrang asuak. Ha animak-a kanlungdo lele ja chuan kanvar aninko, hava society, hava kanvar Organization ha itik aninnum lian na seina (Develope) omnoning. Atunna kan ABA hiom manlianrei man khaangrei kanti aninko, irakip chuanvar, chuanput rakip ning kan lung manthiangrang angaai. Achuan adik, Pathian lungdo han chuan kanvar aninko lianna seina. Khella Pathian rengram manlian na jowtnati. Ha animak-a Pathian Chuanna aching athei, ator tianga kan kan kherra, chuan kanvar aninko kanthona rakip kansown na omnoning, kanmah lownno ning.

Atunna kan ABA hiom manlianrei man khaangrei kanti aninko, irakip chuanvar, chuanput rakip ning kan lung manthiangrang angaai.

Aluteer rakipning Pathian lungdo, Puma Pathian ijowtrang enn ilang chuan varrei tia ngadonle kanruaija risuakna kavanei ani. 

Adik Tak-Ngai - Aboi Lunglai

Tak-ngai buiya sapthiang changna jotmak. Tak-ngai buiya sangram manrit-a ringchunna jotmak. Tak-ngai buiya adik Church omngaimak. Adik tak-ngai buiya adik Sanringpa jetna jotmak. Greek chong ‘pisteuw’ tihi Johon ning Johon 3:36 han aneiman. 

"Anai (Puma Jisu) jiang tak angai mihan amonglui ringna aneijui: hale Anai (Puma Jisu) jiang tak angailui (adaa) mining ringna munoning; taak ha Pathian lungthakna amachunga aom thengpet. (Johon 3:36). 

‘Pisteuw’ aratha enrei:
- jetchiak-a kanpeksot
- adet-a chongjui
- keichi kei-ohk omluiya tak ngai
- lungsuk ngailui

Kanininga kakan huanga Christian kani katinomke, hiva tak-ngai hi kanei maknukko tharra nai lachang making.

Hiva tak-ngai hi kanei mak nukko Christian nimaking. Amelpuah jak ha kani. Mathiu 7:21.

Kanininga kakan huanga Christian kani katinomke, hiva tak-ngai hi kanei maknukko tharra nai lachang making. Christian tihi Pathian lah tho, Church a chuantho, ministry chuantho, Chritian leader chang, church membership, tuilut, sialle-sum pek, etc. ngaihi adik Christa-jui-mi (Christian) tina jotmak. Ajaarko Christa juiluiya hiva ngailimhi tho ajot. Puituk (perfect) ko nimashing, taak ha chongjui hale chet-a tak-ngai tihi Christian ringkhuawa omak jot mak. Tak-ngai alulet chonghi ‘tak-ngailui’ kanti. Tinako, chongjuilui, Christa adaa tina ani.

Tak-ngai jaarra Christa ngaidam hale tharra naichangna kanmu. Taak ha leisei katho bak-a limkansir kanei mak nukko adik Christa lajet making. Phur asin-alian (lalnai, office, government, etc.,) karuk-a, kansir le jakna kannei mak nukko, Pathian Thavang keijiang la ommak. Nulepaa chong juiluiya hale manrit luiya kaom nukko, Pathian chitlui mi kani. Asat-a church maikunga athianga mui roiluiya sangram kanchang nukko, Pathian chong thui saa mashing. Ulian hale atar atur ngai chitjak kanei mak nukko, Pathian chong amasak lajet making. Katorjui, kaneijui, katheijui tia kaman kanlian nukko, adik Pathian jet making hale Pathian lungthak ha keijiang om rashe katina ani. 

Pathian chongtan hi tute khat ningomke loitor nonashing. 

Miring ringkhuahi paarle ramsul anga ani tia Petar ning ati (1. Petar 1:24). Hapkhatjak kanring sunghin adik Christa tokluiya, Bibol aviar kanpaa, aviar kanlam, aviar kanpek han kanlung kanman khop-a kanijui kankanti nukko Puma mel  muno nasing. Ajaarko, Pathian chongtan hi tute khat ningomke loitor nonashing. Ramual chunga kanvar-kansin, kannei rakip hale thiamna-chingna rakip hi ilamang verrang ani. Taak ha, Christa lungdo tho mi hako mangno ning. ”Ramual deina rakip hi achuoi, taak ha Pathian lungdo tho mi hako aom thengpet.” 2 Johon 2:17.

Christa ha adik-a tak kan ngai nukko kan endaa ommak.  "A-u anai a-enda mihako mithat ani: tu-tu achanga, mithatpu jiang amonglui ringna omak tihi nanjet saake". 1Johon 3:15.

Christian kani kata kalung kaman ngam irra, kan Aimol ule-nai masiam kan endaa jaarra meikhur katum ranghi chitrang asuak.

Chitnaa omak mo? Christian kani kata kalung kaman ngam irra, kan Aimol ule-nai masiam kan endaa jaarra meikhur katum ranghi chitrang asuak. Arak-a lung thonrang asuak. 

Endaa le lungsiat omchunna jotmak lungkhat-a.

Endaa jaarra Pathian lungthak kandui rang ani. Endaa le lungsiat omchunna jotmak lungkhat-a. Siadnale tak-ngai omchunna jotmak. Siadna tihi ruk, leisei ngaijak nimak. Lungsunga mankanlian, mi esel, mi enda, etc., ngai hiom ani. Siadna masak jetrei, maakrei hale, adik tak-ngaile kanroiya adik Christa juirei!

Constitution 2nd Amendment - Sh. Lalsolian Aimol | Former Chongsem Editor

  • Article No. (3/B/2)
  • Article No. (3/E/vi)
  • Article No. (3/E/vii)
  • Article No. (3/F/i)
  • Article No. (3/F/ii)
  • Article No. (6/A/2)

Arapa 1st amend hanko hiva Article (3/F/i le 3/F/ii) hi Finance Committee cum Planning Committee tia alui om tak-ha hiva 2nd Amend hinko abing bing ikan khuisen ani.

2nd Amendment Committee:
1. Ch. Momo Aimol, Manager, SBI
2. Rev. Kh. Chingnungsan Aimol, Former Exe-Secy., ABA
3. S. Sangkai Aimol, Assembly President, ABA.

Catholic Biakrup sunga Indulgences an neimanna - Khoichung Semboi BA, M.Div, M.Th.

Indulgences tihi amasat tak ah ko, Catholic Biakrup ngaining leinei man ma-u Tak-ha Biakrup mingai pope jiang ningsat ah pehkna anluinei, ajarko ansiadna ngai damna ranga sumle sial hi ning sat ah anlui pehk ani.

Tak ha 13th century kum tang han ko pope ngaining church mingai jiang vanram chena ranga antipe-a Indulgences che anluijuar. Pope ngai ning aniluija lam ankei achang jarra church mingai ning anlui ngaidon hako siat na kantho nom indulgences chehan pope ngai jiang kanchok inko vanram kantung rangke ti-a anlui ngaidon ani.

Kum 1515, Pope Leo X Chong amasua jui St. Peter church sinha antor theinaranga. Church ansin ha sumle sial anpong jarra pope ngai ning-om German politic anluihong kandai jui.

Albrecht of Brandenburg, kum 24 jak ani han archbishop of Mainz in 1514 anman chang jui ajarko Pope Leo X politic kandai hui naranga. Pope Leo X ning Fugger Banking House ngai jiang Sum le sial aluipuhk. Hanna ankan Jotna nuk jui ja Albrecht leh pope Leo X ning aher her anluikan semjui.

Pope ngai ning aniluija lam ankei achang jarra church mingai ning anlui ngaidon hako siat na kantho nom indulgences chehan pope ngai jiang kanchok inko vanram kantung rangke ti-a anlui ngaidon ani.

Church mi ngai jiang ko anmani vanram chenaranga tia indulgences che anluiman chok, hiwa indulgences che hin nang ni confession thorang ngai laimak nan siadna rakip ana ngai damjui anlui tipe. Nan Sum le sial ha ning nangni khodeng theina mei- khurr tenna nasanring rang ani anluitipe.

Indulgences che ajuarpu Monk John Tetzel ning mi ngai jiang mankan liana aluinei, ajar ko hi ngahin ngaidon na aluinei “keiko St. Peter nek ah amang rang thawai tam kasan”. Pope Leo X ning Monk John Tetzel jiang indulgences che Azuar na aloman asat-a apek .

Hale athisa miring ngai ha keini ning santor na neitor noning sing.

John Tetzel ning Bazar ra mingai jiang hiva che manchok naranga aluiri nan insung athisa mi meikuam ma om ngai ha vanram lut thei naranga indulgences che hi chokru. Tak ha Martin Luther ning hiwa chong ajet phahan aluida. Indulgences che haning keini kansiad na nangaidam tornoning aluiti.

Hale athisa miring ngai ha keini ning santor na neitor noning sing. Christa Jisu asat ah tak ngai ja alung thul mingai ning vanram lut nanti ati. Jisu Christa tak ngai mi ngai ko indulgences che han vanram lutna nimak bible ning athianga anaripe Gospel of John 14: 6 ning ati kei lampuiha kani, adik om kani, hale ringna-om kani. Kei niluija tute khat om kappa jiang lut tor noni-u. 

Chongsem chunga hrijot - Executive Secretary ABA

Aimol Baptist Association sunga a om kalungsiat Biakrup mipui ngai jiang Chongsem chung changa hri jot chong aviar. Athengsa kum khat kumni sunga hin chongsem hi ahui- ahaija hongmasuo torlai maksing, kanhongmaso tor makna ajarko phat bong khat Editor hi alui omak jarra mipui jiang Executive Staff in ngadam kannalam. Pathian lungsiat a atunko Chongsem Editor hi athar khat kanthangle kanruaia tha- manli sunga Veikhakhat hiko hongmasuo na thotakanti. Tutu naninum Article ahapjot nan om inko chongsem Editor pa jiang nahongpek reru. Aphat aphat rakip-a Chongsem hi kanphuang tor chak narang Pathian lamna nahongneipe ruh. 

Chuan muthar

  • R. Semi Promotion lectural (Computer Science)
  • R. Ruisosan P.G.T. (Physical Chemestry)
  • Lanu Jangpi Nurse Silchar College
  • Kh. Walalsua CISF
  • Ln. Songeireng Revenue (peon)
  • M. Gemi Aimol W/o Ln. Rengsiatthang (Staff Nurse JNIMS, Imphal)
  • Ch. Melneithiam D/o Ch. Rangeilow (Forest Guard, For- est Department)
  • Chongom Sumneithiam (Somi) Aimol Instpector, Cus- tom Excise D/o Lianeisua Chongom
  • Chongom Ringkhosan Aimol. Office Asst. (O.A. Sec- retariat FCS)
  • Chongom Ringneithang Aimol. Tax-Asst. Custom and Excise S/o Ch. Neitingir
  • AC-II Laita Deepu Aimol. Inspector BSF Black Cat Commondo S/o (L) Lt. Ojit
  • Laita Rangita Aimol IRB Women Constable Manipur W/o (L) Lt. Ratan

 

Chongmanjet: Akanchellui Mingngaiha madonna ahongrang Chongsem ma beng dena omnati.

The 1st Women Conference ABA - By our staff reporter

Theme: ‘A good role model of women’

Ngairong Feb. 20 Kumminkum numei ngairang nga aphutna Numei ngai Conference hi Aimol Ngairong Baptist Church (ABA) va thona kanluinei, Phaahuam: 17th Feb.2017 hin phutna kanluineiya Phaahuam: 20th Feb.2017 torna kanluimang chang, Pathian Rochi hi : Mrs Guangmei Rongmei, Director Rock Ministry nuning ahuiya “Numeisat khatning ineirang nunchan omchan” ruiya le Numei ngai mathokna ruiya analuiri pe.

Rup-a la risiad ABL No. 245 hi mi Kariat kariat (8) ning luikantal na kannei. Unapal Women Society ning La risiad ah First ana luipe Chingnunghut W/Society ning Secong anluipe, hale Tampak W/Society le Satu W/Society ning Third anluipe.

Bible telrisiad hi Romans 12: 9-18 Mi manli manli (4) ning telkanrualla telrisiad anluitel, Kumbirei W/Society le Khodamphai W/Society ning First anlui, Chingnunghut W/Society le Aimol Khullen W/Society Second anlui hale ABCCI ning third alui.

Aimol Cultural Attribute: Yesterday, Today, and Tomorow, tiko Manlai kan Aimol jaat ratuk, atun tunna kanjaat ratuk hale jing nga madonna ihong rang ratuk dona kanluinei. Aimol Baptist Centre Church Imphal ngaining anthum thumma e.g. Yesterday, Today, and Tomorow wa First anna luipe, Tomorow rang nga ratuk risiat hinko ABCCI, W/Society jak niluiya Chingnunghut W/Society, Khodamphai W/Society hale Aimol Khullen W/Society ning ngom First annaluipe, First hi W/Society Manli ning anna luipe. Hingahin numei ngairang nga aphutna Conference hi tor na kanluineijui.

ABA sunga a om Biakrup Lamkai ngai


 

Aimol Khullen Baptist Church, ABA


Belramsel: Kh. Khotinkhup
Chuanlamjenpu : SL. Rungrelthang
Anni changna Chuanlamjenpu : Kh. Warte
Sunmanchimpu : Kh. Pakneikhup
Sumpu : SL. Darenglo w Inn ngakpu : Kh. Rangeilal
Numei Lamkaipi : S. Ringboi Sunmanchimpi : Lt. Chongneisin
Khangthar Lamkaipu : Y. Nobin Singh
Sunmanchimpu : Ln. Mordekai
Naipang lamkai : S. Rangsumnei
Assembly Staff Lamkaipu : Lt. Rengkhupchung
Sunmanchimpu :S T. Sumneisan
Building Committee Lamkaipu : Rev. Lt. Ruitorkhup
Sunmanchimpu : SL. Darenthui Aimol
Sumpu : B. Thangsolo w
Chuanput naipang : Ln. Phunneilian

Ngairong Baptist Church, ABA


Pastor : S. Darkhumsiak
H/Deacon : S. Thangboi
Asst. Deacon : Ln. Songeisan
Secretary/Clerk : S. Khosirjir
Treasurer : Ln. Ngairongsan
Chowkidar : S. Reamruithei
Women W/Chairperson : Ln. Chimsuahui
W/Secretar y : B. Elneiting
Treasurer : Ln. Ringsuakham
Deaconess : Ln. Pakpi
Youth president: S. Abenu
Secrerar y : Kh. Sonia
Treasurer : S. Palian
Assembly Staff President : Ln. Songeireng
R/Secretar y : Kh. Walalreng
Member : S. Chungnei  &  Lt. Pungkholian

Unapal Baptist Church, ABA


Pastor : Ch. Thangkhuplian
H/Deacon : CP. Chomrel
Asst. Deacon : R. Sumneisiak
Secretary/Clerk : Ch. Sumnungkhom
Veg.Treasurer : CP. Akipte
Chowkidar : 1. Cp. Shimila : 2.Ch. Wanoikham
Women W/Chairperson : Ch. Ringneichim
W/Secretar y : Ch. Aimolchim
Treasurer : Ln. Rila
outh president: CP. Lungneingir
Secrerar y : CP. Relsidas
Treasurer : Ch. Anjali
Children Master: Ch. Hatneikim
Assembly Staff President : Lianeisua Chongom

Tampak Church, ABA


Pastor : R. Areng
H/Deacon : S. Lanu
Asst. Deacon : Ch. Samuel
Secretary/Clerk : L. Boikhup
Treasurer : S. Moses
Chowkidar : S. Asua
Primary Leader : L. Abel
Women W/Chairperson : Ch. Kipjanei
W/Secretar y : R. Lalam
W/Tresurer : L. Ajang
Youth president: Ch. Thangboi
Secrerar y : S. Semi
Treasurer : B. Angakring
Assembly Staff President : Ch. Ajir
R/Secretar y : R. Athang

Khodamphai Baptist Church, ABA


Pastor : B. Alal
H/Deacon : Sh. Rengsinphun
Asst. Deacon : Ch. Rangsolo
Deaconess : Kh. Ringnu
Secretary/Clerk : Sh. Walungreng 

Treasurer : Sh. Rengsinsua
Chowkidar : R. Tantan
Women Chairperson : B. Sumnungai
W/Secretary : Sh. Chanu
Youth Chairperson: B. Sofia
Secrerary : Sh. Lalkim
Assembly Staff President : Kh. Sumsongir
V.President : B. Rengkhup
R/Secretary : Sh. Lalsolian
Joint Secretary : Sh. Rengliankhup

Kharam Thadoi Baptist Church, ABA


Pastor : Sanate
Deacon : Telenkhup
Secretary/Clerk : Rungneithang
Treasurer : Chungreng
Chowkidar : Haopu
Women W/Chairperson : Ngakneichim
W/Secretar y : Kipsonei
W/Treasurer : Kipnu
Youth president: Chungreng
Secrerar y : Khamneiring Treasurer : Athoi

Satu Baptist Church, ABA


Pastor : Cho. Rangsongam
H/Deacon : S. Munthuilal
Asst. Deacon : S. Sanpa
Secretary/Clerk : S. Khupkholal
Treasurer : St. Thangkholal
Chowkidar : S. Lianeithang
Primary Leader : Ch. Aninglu
Women W/Chairperson : S. Achong
W/Secretar y : S. Ganga
W/Tresurer : Cho. Ningoulei
Deaconess : Cho. Babita
Deaconess : S. Mangpui
Youth president: S. Sanpa
Secrerar y : Kokok (Ngamkhosoun)
Treasurer :
M. Romen
Assembly Staff President : St. Sumreng

Planning Committee

Chairman: Amun Siallao

Secretary: Asan Serto

Member: Anderson

Kumbirei Baptist Church, ABA


Pastor : Lanu Elisha Aimol
H/Deacon : Ch. David
Asst. Deacon : Ch. Sumnunglal
Secretary/Clerk : Kh. Lianeilal
Treasurer : Ch. Bumneilal
Chowkidar : Ch. Relneiring
Primary Leader : Ln. Ngaineikip
Women W/Chairperson : Ch. Ningneithiam
W/Secretary : Ch. Lalringkim
Deaconess : Kh. Tinneo
Deaconess : Ch. Athoi
W/Treasurer : S Y. Sumnungthiam 
Treasurer: Ch. Khamning 
Kutsip
Treasurer : Ch. Rangeichim Vegetable
Youth president: Ch. Sumnunglal
Secrerar y : Ch. Jessica  Treasurer : S. Y. Manu
Assembly President : Ch. Sumsochung
R/Secretar y : Ch. Thangpa